சுருள் பூச்சி காரணமாக பயிர் சேதமா? நிலக்கடலை விவசாயிகள் கண்டிப்பாக படிக்க வேண்டிய தகவல்!

சுருள் பூச்சி காரணமாக பயிர் சேதமா? நிலக்கடலை விவசாயிகள் கண்டிப்பாக படிக்க வேண்டிய தகவல்!

புதுக்கோட்டை மாவட்டத்தில் சமீபகாலமாக நிலக்கடலைச் சாகுபடியில் சுருள் பூச்சி தாக்குதல் அதிகரித்து வருவதால், பயிர் வளர்ச்சிக்கும் இறுதியில் கிடைக்கும் விளைச்சலுக்கும் பாதிப்பு ஏற்படும் அபாயம் இருப்பதாக நிபுணர்கள் எச்சரித்துள்ளனர். 

நிலக்கடலைப் பயிரைத் தாக்கும் இந்த சுருள் பூச்சி முதன்முதலில் இலை நடுநரம்பைத் துளைத்து அதன் உள்ளே புகுந்து மறைந்து கொள்ளும் தன்மை உடையது. புழுக்கள் சிறிய நிலையில் இதனுள் தங்கி வளர்ச்சி பெறும்; பின்னர் பூச்சி வளர வளர இலைகளைச் சுருட்டி அதன் உள்ளே தங்கி பச்சையத்தைச் சுரண்டி உண்ணும். இதன் காரணமாக இலைகள் துளையடைந்து பச்சை நிறம் மங்கத் தொடங்கும், தொடர்ந்து செடிகள் சுருங்கி காய்ந்தது போல் தோற்றமளிக்கும். 

தாக்குதல் மிகுதியானால் வயல் முழுவதும் தீப்பற்றி எரிந்தது போல காய்ந்த நிறமாக மாறி கண்கொள்ளும் அளவிற்கு சேதம் உண்டாகும். இத்தகைய தாக்குதல்களை குறைக்கும் நோக்கில், வேளாண்மை இணை இயக்குநர் விவசாயிகளுக்கு ஒருங்கிணைந்த மேலாண்மை முறைகளைப் பின்பற்ற அறிவுறுத்தியுள்ளார். 

நிலக்கடலைப் பயிரில் தட்டைப்பயறு அல்லது உளுந்து போன்ற ஊடுபயிர்களை 4:1 என்ற விகிதத்தில் விதைப்பது பூச்சி பரவலைத் தடுக்க உதவும். மேலும் தாய் அந்துப்பூச்சிகளைப் பிடிக்க ஏக்கருக்கு 5 விளக்குப்பொறிகளை மாலை 7 மணி முதல் இரவு 11 மணி வரை வைத்தால் அடுத்த கட்ட புழுக்கள் உருவாகாமல் தடுப்பதில் பெரிதும் பயன் தரும். 

உயிரியல் கட்டுப்பாட்டிற்காக டிரைக்கோகிரம்மா கைலோனிஸ் என்னும் முட்டை ஒட்டுண்ணியை ஏக்கருக்கு 20,000 அளவில் 7–10 நாள் இடைவெளியில் இருமுறை வயலில் விடலாம்; இது பூச்சியின் முட்டை நிலையில் தாக்கி பரவலை கட்டுக்குள் கொண்டுவரும். தாக்குதல் அளவு அதிகரித்து ஒரு இலைக்கு 2–3 புழுக்களுக்கு மேல் கண்டறியப்பட்டால், பொருளாதார சேத நிலை (ETL) மீறியதாகக் கருதி, ஒரு ஏக்கருக்கு 200 லிட்டர் நீரில் இமாமெக்டின் பென்சொயேட் 100 கிராம் அல்லது ஸ்பினோசாட் 45 SC 80 மில்லி கலந்து தெளிக்கலாம். 

மேலும், உழவன் செயலியில் “பூச்சி நோய் கண்காணிப்பு” பிரிவில் பாதிப்பு படங்களைப் பதிவேற்றி அனுப்பினால், நிபுணர்களின் பயிர் பாதுகாப்பு ஆலோசனைகள் உடனடியாக SMS மூலம் கிடைக்கும் என்பதால், விவசாயிகள் இந்த வசதியைச் சிறப்பாகப் பயன்படுத்திக் கொள்ளலாம்.

📞 மேலும் தொடர்புக்கு

Time To Tips தளத்தின் மூலம் வெளியிடப்படும் தகவல்கள், அரசு அறிவிப்புகள், மற்றும் பயனுள்ள வழிகாட்டல்களை தொடர்ந்து அறிந்துகொள்ள, எங்களது YouTube சேனலை பின்தொடருங்கள்:

🎥 Time To Tips – YouTube சேனல்

🌿 விவசாயிகள் மற்றும் பொதுப் பயனாளர்களுக்காக

அரசு திட்டங்கள், மானியங்கள், காப்பீடு, மற்றும் தொழில் வாய்ப்புகள் குறித்த புதுப்பிக்கப்பட்ட தகவல்களை
உடனுக்குடன் பெற எங்களது அதிகாரப்பூர்வ WhatsApp குழுவில் இணைந்துகொள்ளுங்கள்.

🔗 வாட்சப் குழுவில் சேர: Time to Tips  (Join WhatsApp Group)

🙏 நன்றி!

உங்கள் ஆதரவு தான் எங்கள் ஊக்கம் 💚
தொடர்ந்து “Time to Tips” உடன் இணைந்திருங்கள் — பயனுள்ள தகவல்கள், நம்பகமான வழிகாட்டல்கள், மற்றும் புதிய அறிவிப்புகள் உடனுக்குடன்!