3,000 விவசாயிகளுக்கு கடன் அட்டைகள் ரூ. 2 லட்சம் வரை கடன்- கால்நடைத்துறை தகவல்!!

 

3,000 கால்நடை விவசாயிகளுக்கு ரூ. 2 லட்சம் வரை கடன்- கால்நடைத்துறை தகவல்!!

புதுவையில், கிசான் கடன் அட்டை திட்டத்தின் கீழ் 2 லட்சம் ரூபாய் வரை கால்நடை விவசாயிகள் கடன் பெறலாம் என்று கால்நடை துறை அறிவித்துள்ளது.

கிசான் கடன் அட்டை

இது தொடர்பாக கால்நடைத்துறைச் செயலாளர் ரவிபிரகாசம் வெளியிட்டுள்ள செய்திக் குறிப்பில் தெரிவிக்கப்பட்டிருப்பதாவது: புதுச்சேரி யூனியன் பிரதேசத்தில், கால்நடை வளர்க்கும் விவசாயிகள் பயன் பெறும் வகையில் கிசான் கடன் அட்டை (Kisan Credit Card) வழங்கும் திட்டத்தை விரிவுபடுத்த நடவடிக்கைகள் எடுக்கப்பட்டு வருகின்றன.

3,000 விவசாயிகளுக்கு கடன் அட்டைகள்

பாண்லே கூட்டுறவு ஒன்றியம், ஊரக வளர்ச்சி முகமை, கால்நடை பராமரிப்பு, மற்றும் கால்நடை நலத்துறை மூலமாக பசு - எருமை வளர்க்கும் 3,000 விவசாயிகளுக்கு கடன் அட்டைகள் இந்த ஆண்டு வழங்க நடவடிக்கைகள் எடுக்கப்பட்டு வருகின்றன.

இதன் மூலம் பால் உற்பத்தியாளர்களில் இரு கறவைப் பசுக்கள் வளர்ப்பவர்களுக்கு ரூ. 30,000 மற்றும் இரு உயர் ரக முர்ரா இன எருமைகள் வளர்ப்பவர்களுக்கு ரூ.42,700 என்ற விகிதத்தில், அதிகபட்சமாக ரூ.2.00 லட்சம் வரை ஒவ்வொருவருக்கும் வங்கிகள் மூலம் கடன் வழங்க நடவடிக்கை எடுக்கப்படும்.

7% விழுக்காடு வட்டி

கடனாகப் பெறும் இந்தத்தொகைக்கு, 7 விழுக்காடு வட்டி வசூலிக்கப்படும். அதேநேரத்தில் கடனை தவறாமல் திருப்பிச் செலுத்தும் கால்நடை விவசாயிகளுக்கு 3 சதவீதம் வட்டியில் மானியமும் வழங்கப்படும்.

தேவைப்படும் ஆவணங்கள்

1. புகைப்படம்

2. ஆதார் அட்டை

3. ரேஷன்கார்டு

4. வங்கிக் கணக்குப் புத்தகம்

எனவே, கால்நடை வளர்க்கும் விவசாயிகள் கிசான் கடன் அட்டை பெறுவதற்கான விண்ணப்பங்களை, மேலேக் கூறிய ஆவணங்கள் அனைத்தையும் இணைத்து, இன்று முதல் அருகிலுள்ள கால்நடை மருந்தகத்தில், கால்நடை உதவி மருத்துவரிடம் சமர்ப்பிக்கலாம்.

தகுதியான விண்ணப்பங்கள் வங்கிகள் மூலம் பரிசீலிக்கப்பட்டு கடன் வழங்கப்படும். இவ்வாறு செய்தி குறிப்பில் கூறப்பட்டுள்ளது.

விவசாயிகள் மகிழ்ச்சி

கால்நடைகளை வளர்க்கும் விவசாயிகளுக்கு, மிகக்குறைந்த வட்டியில், வங்கிகள் கடன் கொடுப்பது குறித்த இந்த அறிவிப்பு, கால்நடை விவசாயிகளை மகிழ்ச்சி அடையச் செய்துள்ளது.

மேலும் படிக்க....

ஐந்து நாட்களுக்கான வானிலை முன்னறிவிப்பு! விவசாயிகள் கடைபிடிக்க வேண்டிய விதிமுறைகள்!!

கிசான் கிரெடிட் கார்டு KCC கால்நடை வளர்ப்புக்கு வட்டிதொகை முழுவதும் தள்ளுபடி!!

ஆடுகளை பாதிக்கும் ஒட்டுண்ணிகளை தடுப்பது எப்படி? முழு விபரம் இதோ!!

மேலும் தொடர்புக்கு....

 

எங்களை பற்றி மேலும் அறிந்துகொள்ள TIME TO TIPS என்ற YOUTUBE சேனலை தொடர்ந்து காணுங்கள். மேலும் விருப்பம் உள்ள விவசாயிகள் மற்றும் பயனாளர்கள் அனைவரும் நமது வாட்சப் குரூப்பில் இணைத்து விவசாய தகவல்கள் மற்றும் முக்கிய நிகழ்வுகளை உடனுக்குடன் அறிந்து கொள்ளுங்கள். நமது வாட்சப் குழுவில் சேர இந்த லிங்க்கை தொடுங்கள் நன்றி......

 

வாட்சப் குழு சேர் GROUP 1 Time to Tips Family.

வாட்சப் குழு சேர் GROUP 2 Time to Tips Family.

வாட்சப் குழு சேர் GROUP 3 Time to Tips Family.

 

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.