வெள்ளரி சாகுபடி செய்வது எப்படி? ஜூலை மாதத்தில் வெள்ளரி சாகுபடி முழு விபரம்!!

 

வெள்ளரி சாகுபடி செய்வது எப்படி?  ஜூலை மாதத்தில் வெள்ளரி சாகுபடி முழு விபரம்!!

வெள்ளரி இரகங்கள்

ஜப்பானி லாங் கிரின், கோ.1, ஸ்ரோயிட் எய்ட், பாயின்செட்டி ஆகியவை சிறந்த இரகங்களாகும்.

வெள்ளரிக்கு ஏற்ற மண்

இதைக் களிமண், வண்டல் மண் வரை அனைத்து வகையான நிலங்களிலும் சாகுபடி செய்யலாம். மிதமான வெப்பமும், காற்றில் அதிக ஈரப்பதமும் இதன் வளர்ச்சிக்கு சிறந்தது. சிறந்த மகசூலுக்கு கார அமிலத்தன்மை 6.5-7.5 இருக்க வேண்டும்.

வெள்ளரிக்கு ஏற்ற பருவம்

கோடைக்காலத்தில், பிப்ரவரி - மார்ச் மாதங்களிலும் மழைக்காலத்தில் ஜூலை மாதங்களிலும் பயிரிடலாம்.

வெள்ளரிக்கு நிலம் தயாரித்தல்

நிலத்தை நன்கு உழுது, 60 செ.மீ அகலத்தில் 1.50 மீட்டர் இடைவெளியில் வாய்க்கால் அமைத்து, வாய்க்கால்களில் 45 செ.மீ நீளம், ஆழமுடைய குழிகள் எடுக்கவேண்டும். பின்பு குழிகளில் மண்ணுடன் 10 கிலோ நன்கு மக்கிய தொழு எரு, கலப்பு உரம் 100 கிராம் மற்றும் இட்டு நீர்ப் பாயச்சவேண்டும்.

வெள்ளரி விதையும் விதைப்பும்

ஒரு எக்டருக்கு 2.5 கிலோ விதை-ஒரு கிலோ விதைக்கு, டைக்கோடெர்மா விரிடி 4 கிராம், சூடோமோனாஸ் ஃபுளோரசன்ஸ் கிலோ விதை இரண்டு கிராம் கேப்டன் அல்லது திராம் மருந்து கலந்து நேர்த்தி செய்து, குழிக்கு 4-5 விதைகள் விதைத்து, நன்கு முறைக்கும் வரை நீர் பாய்ச்ச வேண்டும்.

வெள்ளரி செடி பராமரித்தல்

விதைகள் நன்கு முளைத்த பின், நன்கு வளரும் செடிகள் 2-3 வைத்துக் கொண்டு, மீதிச் செடிகளைக் களைந்து விட வேண்டும்.

வெள்ளரிக்கு நீர் நிர்வாகம்

விதைகள் விதைத்த மூன்றாம் நாளில் தண்ணீர் விட வேண்டும். நன்கு முளைத்தவுடன் ஒரு முறை தண்ணீரும், அதற்கு அடுத்த வாரத்தில் ஒரு முறையும் வாய்க்கால்களின் வழியாக தண்ணீர் பாய்ச்ச வேண்டும்.

வெள்ளரிக்கு களைக் கட்டுப்பாடு மற்றும் பின்செய்நேர்த்தி

விதைத்த 20-25 ஆம் நாளும் ஒரு மாத இடைவெளியிலும் களை கட்டாயம் எடுக்கவேண்டும்.விதைத்த 30 ஆம் நாளில் செடிகளை கொத்திவிட்டு மேல் உரமாக 50 கிராம் யூரியாவை ஒவ்வொரு குழிக்கும் அளிக்கவேண்டும்.

வெள்ளரிக்கு ஒருங்கிணைந்த பயிர் பாதுகாப்பு

பழ ஈக்கள் மற்றும் வண்டுகளின் தாக்குதலைக் கட்டுப்படுத்த மாலத்தியான் மருந்தை ஒரு லிட்டர் நீரில் இரண்டு மில்லி என்ற அளவில் தெளிக்கவேண்டும்.

வெள்ளரி அறுவடை

விதைத்த 45 நாட்கள் கழித்து காய்களை அறுவடை செய்யலாம். மொத்தம் 8 முதல் 10 முறை அறுவடை செய்யலாம்.

வெள்ளரி மகசூல்

எக்டருக்கு 90 நாட்களில் 8 முதல் 10 டன்கள் வரை பிஞ்சுக் காய்கள் கிடைக்கும்.

மேலும் படிக்க....

சிறந்த முறையில் பச்சை மிளகாய் சாகுபடி செய்வது எப்படி? பச்சை மிளகாய் பயன்கள் என்ன?

சிறந்த முறையில் முட்டைகோஸ் பயிரிடுவது மற்றும் பாதுகாப்பது எப்படி? முட்டைகோஸின் பயன்கள் என்ன?

ஒரு கிலோ திராட்சையின் விலை ரூ7.5 லட்சத்திற்கு விற்பனை உலகிலேயே மிக விலை உயர்ந்த 'ரூபி ரோமன்' திராட்சை!!

மேலும் தொடர்புக்கு....

எங்களை பற்றி மேலும் அறிந்துகொள்ள TIME TO TIPS என்ற YOUTUBE சேனலை தொடரந்து காணுங்கள் நன்றி......