விவசாயிகளுக்கு குறைந்த வட்டியில் குறுகிய கால வேளாண் கடன் மத்திய அரசு அறிவிப்பு!!

விவசாயிகளுக்கு குறைந்த வட்டியில் குறுகிய கால வேளாண் கடன் மத்திய அரசு அறிவிப்பு!!

குறுகிய கால விவசாயக் கடனுக்கு ஆண்டுக்கு 1.5% வட்டி மானியம் வழங்க மத்திய அமைச்சரவை ஒப்புதல் அளித்துள்ளது. விவசாயிகளின் நலனுக்காக PM கிசான் உள்ளிட்ட பல்வேறு திட்டங்களை மத்திய அரசு செயல்படுத்தி வருகிறது. 

விவசாயம் செய்வதற்கு குறைந்த வட்டியில் கடன் வழங்குவது போன்ற திட்டங்களும் உள்ளன. இந்நிலையில் குறைந்த வட்டியில் குறுகிய காலக் கடன் வழங்கும் சிறப்புத் திட்டத்துக்கு மத்திய அரசு ஒப்புதல் அளித்துள்ளது. இத்திட்டத்தின் கீழ் 2022 முதல் 2025ஆம் ஆண்டு வரை ரூ.34,856 கோடி கூடுதல் பட்ஜெட் ஒதுக்கீடு செய்யப்பட்டுள்ளது.

பிரதமர் நரேந்திர மோடி தலைமையிலான மத்திய அமைச்சரவைக் கூட்டம் நேற்று நடைபெற்றது. இதில், ரூ.3 லட்சம் வரையில் விவசாயிகளுக்கு குறுகிய காலக் கடன் வழங்கும் அனைத்து வகையான நிதி நிறுவனங்களுக்கும் ஆண்டுக்கு 1.5% வட்டி மானியம் வழங்க ஒப்புதல் அளிக்கப்பட்டுள்ளது.

விவசாயிகளுக்கு 2022-23 நிதியாண்டு முதல் 2024-25 வரை ரூ.3 லட்சம் குறுகிய காலக் கடனுதவி அளிக்கும் பொதுத்துறை மற்றும் தனியார் வங்கிகள், சிறு நிதி நிறுவனங்கள், மண்டல ஊரக வங்கிகள், கூட்டுறவு மற்றும் கணினி மயமாக்கப்பட்ட தொடக்க வேளாண்மைக் கூட்டுறவு வங்கிகளுக்கு வட்டி மானியம் வழங்கப்படும்.

வட்டி மானிய அதிகரிப்பு, வேளாண் துறையில் தொடர்ந்து கடன் வழங்குவதை உறுதி செய்யும் என்பதோடு, கடன் வழங்கும் நிறுவனங்களின் குறிப்பாக மண்டல ஊரக வங்கிகள், கூட்டுறவு வங்கிகள் போன்றவற்றின் நிதிநிலையையும் சாத்தியத் தன்மையையும், உறுதி செய்யும் என்று அரசு தரப்பில் கூறப்பட்டுள்ளது.

குறுகிய கால வேளாண் கடன் என்பது கால்நடை பராமரிப்பு, பால்வளம், கோழி வளர்ப்பு, மீன்வளம் உள்ளிட்ட அனைத்து செயல்பாடுகளுக்கும் கிடைக்கும் என்பதால், வேலைவாய்ப்பு உருவாகவும் வழிவகுக்கும் எனவும் தெரிவிக்கப்பட்டுள்ளது. 

மேலும் அறிந்துகொள்ள TIME TO TIPS

உரிய காலத்தில் கடனை சரியாகத் திருப்பிச் செலுத்தும் விவசாயிகளுக்கு ஆண்டுக்கு 4 சதவீத வட்டி விகிதத்தில் குறுகிய கால கடன் வழங்கப்படும் என்பது குறிப்பிடத்தக்கது.

மேலும் படிக்க....

விவசாய கடன்களுக்கு 3% வட்டி தள்ளுபடி அமைச்சர் எம். ஆர். கே. பன்னீர்செல்வம் தகவல்!!

விவசாயிகளுக்கு நடவு முதல் அறுவடை வரை மொத்தம் 3 லட்சத்து 75 ஆயிரத்து 500 மானியம்!!

யூரியா உரத்தேவையை குறைப்பதற்கான உன்னதமான தொழில்நுட்பங்கள்!!

மேலும் தொடர்புக்கு....

 

எங்களை பற்றி மேலும் அறிந்துகொள்ள TIME TO TIPS என்ற YOUTUBE சேனலை தொடர்ந்து காணுங்கள்.

 

மேலும் விருப்பம் உள்ள விவசாயிகள் மற்றும் பயனாளர்கள் அனைவரும் நமது வாட்சப் குரூப்பில் இணைத்து விவசாய தகவல்கள் மற்றும் முக்கிய நிகழ்வுகளை உடனுக்குடன் அறிந்து கொள்ளுங்கள்.

 

நமது வாட்சப் குழுவில் சேர இந்த லிங்க்கை தொடுங்கள் நன்றி......

வாட்சப் குழு சேர் (Joint WhatsApp Group use below link)

 

Time to Tips – 5

 

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.